Krijst foar de besite oan it Planetarium tagong ta it bestjoeringssysteem fan de app en kinst dêr groepen yndiele. Ienris yn it museum krije de learlingen in koarte útlis yn de Planetariumkeamer en gean dêrnei yn groepkes mei harren eigen telefoan oan de slach. Op ferskillende plakken yn it Planetarium kinne se punten fertsjinje dêr’t se ûnderdielen fan in raket mei sammelje. Oan ’e ein fan harren reis sette se harsels as astronaut op ’e foto. Dy foto’s kinst downloade as oantinken oan de (hooplik ûnferjitlike) besite.

De app is ûntwikkele yn gearwurking mei learkrêften en learlingen fan sbû De Bolder yn Frjentsjer en slút dêrom goed oan by de doelgroep.