Underbou FU
Kinne dyn learlingen aanst navigearje oan ’e hân fan stjerren?
Beskikbere lesprogramma’s
Farre op ’e stjerren
In learling wurdt wekker op in skip en sjocht om har hinne. Rûnom sjocht se see, see en noch ris see, en Google Maps bestiet noch net. Hoe wit se dan wêr’t se is? Troch goed te sjen nei de stjerren! Dit hiele programma draait om navigearjen op ’e stjerren, sa’t seelju dat eartiids diene.
Foar in besite oan it Planetarium krijst as dosint in ‘histoaryske’ edysje fan de Leeuwarder Courant út 1802. De grutte fraach is: wat hawwe de manlju op ’e foarside mei-inoar te meitsjen? Yn it Planetarium sille de learlingen oan ’e hân fan ferskillende ûndersyksopdrachten achter it antwurd komme. Neist de kranten krijst yn it foar ek in hantlieding. Dy biedt oanknopingspunten om de besite út te wreidzjen ta in fakoerstigend projekt.
Praktyske ynformaasje
- Dit programma is geskikt foar learlingen yn klasse 2 havû-fwû of in fmbû 3 klasse.
- Foar skoallen jildt in spesjaal edukatyf taryf fan €3,75 per learling. De besite kin ek betelle wurde út it CJP-budzjet mei in weboarder, € 5,00 per learling.
- Per klasse ferwachtsje wy minimaal twa dosinten of begelieders. Dy kinne der fergees yn.
- Skoalbesiten begjinne om 9.30 of 11.00.
- Der kinne maksimaal 60 learlingen per kear komme.
Wolst lânskomme mei dyn klasse? Folje dan it oanfraachformulier yn.
Hast ynhâldlike fragen? Nim kontakt op fia educatie@eisinga-planetarium.nl.
Speure yn it ferline
Museum Martena en it Planetarium hawwe de lapen gearsmiten foar in mienskiplik ûnderwiisprogramma. Hjirby gean learlingen op ien dei nei beide musea. In diel fan de learlingen bringt earst in besite oan it Planetarium. Yn groepkes meitsje se dêr oan ’e hân fan in format in speurtocht ynklusyf antwurdmodel. It oare part fan de learlingen docht itselde yn Museum Martena. Dan wikselje de learlingen en meitsje se yn it oare museum de speurtocht dy’t harren meilearlingen foar harren makke hawwe. Op skoalle kinne de speurtochten oan ’e hân fan de makke antwurdmodellen neisjoen en neibesprutsen wurde.
In goede fraach stelle is in keunst, dêrom oefenje de learlingen dat op skoalle alfêst oan ’e hân fan in koarte, kant-en-kleare tariedende les.
Praktyske ynformaasje
- Dit programma is geskikt foar learlingen yn alle ûnderbouklassen fan it middelber ûnderwiis.
- De kosten foar in komby-besite ynklusyf edukatyf programma binne € 5,50 per learling; dit is allinnich te boeken by it Planetarium. De besite kin ek betelle wurde út it CJP-budzjet mei in weboarder foar € 6,50 per learling.
- Skoalbesiten begjinne om 9.30 of 11.00.
- Der kinne maksimaal 60 learlingen per kear komme.
Wolst lânskomme mei dyn klasse? Folje dan it oanfraachformulier yn.
Hast ynhâldlike fragen? Nim kontakt op fia educatie@eisinga-planetarium.nl.
Eise en de planeten
Kombinearje in besite oan it Eise Eisinga Planetarium mei it tema sinnestelsel by natuerkunde en slach sa twa miggen yn ien klap. Yn dizze lesserige gean de learlingen nammentlik oan ’e slach mei de planeten yn ús sinnestelsel yn de kontekst fan it Eise Eisinga Planetarium. De rige bestiet út twa lessen op skoalle en in museumbesite. Ast kiest foar dit programma, krijst kant-en-kleare lessen, powerpoints en postertemplates tastjoerd, sadatst fuortdaliks oan ’e slach kinst. Dit is watst ûngefear ferwachtsje kinst:
- Tariedende les op skoalle (jûn troch de eigen natuerkundedosint)
Yn dizze aktivearjende les komme de learlingen mear te witten oer it libben fan Eise oan ’e hân fan de wurkfoarm ‘trije wierheden, ien leagen’. Dêrnei teste se harren foarkennis oer de planeten en it Planetarium oan ’e hân fan in pubkwis en sette se útein mei it meitsjen fan in ynformative poster oer ien fan de planeten yn ús sinnestelsel. - Museumbesite
De learlingen krije earst in útlis yn de Planetariumkeamer en gean dêrnei mei doelrjochte opdrachten it museum yn. - Ôfslutende les op skoalle (jûn troch de eigen natuerkundedosint)
Hawwe de learlingen goed oplet yn it Planetarium? Dan meitsje se kâns om dizze twadde pubkwis te winnen. Nei de pubkwis meitsje de learlingen harren poster ôf en litte dêrnei sjen wat se leard hawwe oer harren planeet oan ’e hân fan stellingen.
Praktische informatie
- Dit programma is geskikt foar learlingen yn 1, 2 of 3 havû/fwû en slút oan by de SLO-doelen oer it sinnestelsel fan natuerkunde.
- Foar skoallen jildt in spesjaal edukatyf taryf fan €3,75 per learling. De besite kin ek betelle wurde út it CJP-budzjet mei in weboarder, € 5,00 per learling.
- Per klasse ferwachtsje wy minimaal twa dosinten of begelieders. Dy kinne der fergees yn.
- Skoalbesiten begjinne om 9.30 of 11.00.
- Der kinne maksimaal 60 learlingen per kear komme.
Wolst lânskomme mei dyn klasse? Folje dan it oanfraachformulier yn.
Hast ynhâldlike fragen? Nim kontakt op fia educatie@eisinga-planetarium.nl.